WILLEMSTAD.-Relashoná ku e retiro repentino di Elsa Rozendal for di MAN, EXTRA a papia ku lider polítiko Steven Martina. Esaki tabata e promé reakshon di e lider polítiko despues di tuma nota di desishon di Elsa Rozendal.

‘Nos a risibí e karta di retiro. Konsiderando diferente enkuentro ku mi ta tin ku Elsa e notisia pa mi ta poko sorpresivo. Nos ta respetá naturalmente desishon di kada ken ku ta miembro di MAN I ta okupá un funshon di dignatario pa MAN. E echo ku e no ta bai ku su asiento ta nifiká ku e ta biba e prinsipionan fundamental di MAN di kual sigur nos ta apresiá. Nos ke gradesí Elsa pa e aporte ku el a duna partido MAN I nos ta deseá tur klase di éksito den su futuro karera.” Te einan pues e komentario di Steven Martina den deklarashon na EXTRA.