WILLEMSTAD.- Ayera nochi tabata graduashon di e Speech Craft di Radulphus College. 8 siman intenso bou di e koordinadornan Donald Van Putten i Philip Gomez di Toastmasters International. Esaki a wòrdu organisá dor di yùfrou Celeste Cardoze. E ‘speechnan’ tabata na ingles i por a mira avansenan grandi den kada studiante. Speechnan bon prepará, ku entonahenan korekto, volúmen di bos adekuá, vitalidat di bos i artikulashon. E studiantenan ku a gradua ayera tabata Elyse, Amber, Lisbeth, Camille, Kyran, Nathaniel, Iyandra, Eloise, Stacey, Tiffany i Cheyene.

Tabata un plaser mira e hóbennan pasa riba kada unu su miedu di papia. Bo por bisa ku nos tin un par di hóben dinámiko i kla pa bira lidernan ku por tira bon ‘speech’.