Pueblo bo a pidi pe, Stuntman ta bin kuné pa bo!

WILLEMSTAD.- Asina mes, e ta konfirmá!, Stuntman pa 2019 ta anunsiá ‘The Return of the Monsters’.

Siendo e úniko produktor, Stuntman no ménos ku 10 biaha den un periodo di 20 aña a trese Kòrsou e espektákulo di ‘Monster Trucks’, un espektákulo riba nivel ku a sòru pa asina tantu adrenalina, emoshon i rekuerdonan inolvidabel. Ken por kòrda ‘Monster Trucks’ den stadion di SUBT, SDK i tambe stadion di Rif.

Di 1989 te ku 2007, Kòrsou a konosé e mihó trùknan di tur tempu, trùknan merikano sertifiká bou di Monster Truck Racing Association, manera Taurus, Big Foot, Hulk Hogan, Stinger, Snakebite, Bear Foot, The Thriller i hopi mas.

Den e promé kuartal di 2019 ta pendiente pa presentá un espektákulo riba nivel ku 6 Monster Truck. Dos anochi di adrenalina, kada 1 ta 1. Karedanan entre Monster Trucks, Freestyle Rounds, Time Battle, Miho Wheelie, Miho Donuts i hopi mas.

Keda pendiente pa e anunsio ofisial di e fechanan dje evento di Monster Truck ku 6 Monster Truck renombrá ku lo sòru pa Kòrsou haña un espektákulo pa marka historia. ‘The return of The Monsters’ ta na kaminda!.