WILLEMSTAD.- Entrante djamars 30 di mart 2021 e tarifa regulá di gasolin i diesel lo subi na Kòrsou. Ta trata di un oumento di 0,24 sèn pa liter di gasolin i 0,13 sèn pa liter di diesel. E tarifa di koriente i awa tambe lo subi entrante djaweps 1 di aprel 2021. Aki ta trata di 0,03 sèn kW pa ora pa koriente i 0,21 sèn pa m3 pa awa.

Esaki Bureau Telecommunicatie en Post (BT&P) ta supervisá e desaroyo di preis di produktonan petrolero i di utilidat.

Subida internashonal di kotisashon di zeta i kombustibel

Manera BT&P a anunsiá anteriormente, tin papiá for di novèmber 2020 ku tin un subida di kotisashon internashonal kontinuo i fuerte tantu pa petroli komo kombustibel refiná.

Ta trata di oumentonan di kasi 55-75% for di novèmber 2020.

E desaroyonan akí tin subida internashonal di tarifanan di kombustibel komo konsekuensia. Na Kòrsou tambe e oumentonan akí ta kondusí na subida di tarifa pa kombustibel i utilidatnan pa e próksimo luna(nan)

Kálkulo tarifa produktonan kombustibel

E kálkulo di tarifa pa Mogas 95, Gasoil LSD, LPG 20 i LPG 100 konosé e komponentenan

1. 
   

2. Preis di kompra, 2. Impuesto di importashon LSD, 3. Garantia di suministro di kombustibel (1a), 4. Garantia di suministro di kombustibel (1b), 5. Márgen pa Curoil, 6. Impuesto di konsumo (Akseins), 7. Surplus/Défisit (Recovery), 8. Supsidio krusá, 9. O.B. di 6% pa benta por mayor, 10. Márgen pa agente, i 11. O.B. di 6% pa benta por detal. Pa sierto komponente e tarifa sero ta konta, sea temporalmente òf nò. E tarifa pa benta por mayor ta inkluí e promé nuebe komponentenan miéntras ku e tarifa pa benta por detal (na usuario final) ta inkluí tur komponente.

3. 
   

Ta determiná e preis di kompra, kaminda kalkulashon ta kuminsá, mensualmente pa e luna siguiente a base di e kombustibel disponibel na stòk na final di luna pasá. Pues: e preisnan di kompra ku ta keda mantené pa e luna di aprel 2021 en prinsipio ta basá riba e kombustibel disponibel ku tin na stòk pa fin di febrüari 2021. Den kaso ku e informashon di Curoil suministrá tokante di e lokual tin na stòk no ta alkansabel, lo sali for di e kotisashon internashonal mas resien. E kompra di Curoil ta wòrdu evaluá pa e kotisashon internashonal. Dor di e lapso aki den e mekanismo pa determiná preis, por ta nesesario pa deskontá eventual diferensia entre e preis di kompra regulá i e montantenan di kompra real, di forma retroaktivo via e elemento ‘Surplus/Défisit’.

E tarifanan pa usuario final pa Mogas 95 i gasoil LSD ta subi na aprel 2021 prinsipalmente dor di un oumento supstansial di e preisnan di kompra.

Kálkulo tarifa awa i koriente

E kálkulo di e tarifa pa awa i elektrisidat tin dos komponente: e tarifa básiko i e klóusula di kombustibel. E klóusula di kombustibel pa elektrisidat ta konsistí di dos elemento: kompra di koriente i gastunan di kombustibel. E ‘kompra di koriente’ ta basá riba e preis pa e energia ku terseronan ta suministrá, manera energia di bientu i di solo. ‘Gastunan di kombustibel’ ta enserá produkshon di energia dor di Aqualectra mes. Tambe e klóusula di kombustibel pa awa ta konsistí di dos elemento, ku ta “kompra” basá riba preis di awa ku ta wòrdu suministrá dor di un terser partido i e gastunan di elektrisidat pa produkshon di awa dor di Aqualectra mes.

Sin embargo, kada luna e uso di e diferente medio pa produkshon, e asina yamá ‘meskla di produkshon’ ta varia. P’esei BT&P ta determiná e balor di e klóusula di kombustibel mensualmente basá riba e pronóstiko di Aqualectra, di kiko e meskla di produkshon lo bira, den e kaso aki pa e luna di aprel 2021. Si un luna despues resultá ku e elemento akí tabata muchu haltu òf muchu abou, ta korigí esaki. Den e kaso akí, ta trata di e luna di febrüari 2021.

E tarifa pa awa i koriente ta subi prinsipalmente pa motibu di e preisnan di kombustibel haltu pa produkshon di koriente respektivamente preisnan di koriente haltu pa produkshon di awa.