WILLEMSTAD.- Ya ta algun dia ku Minister di Tráfiko, Transporte i Planifikashon Urbano Charles Cooper a duna inisio na e trayekto di yenamentu di buraku.

Ta basta ta e bario/ kamindanan den hopi mal estado, tur na buraku. A yena e burakunan temporalmente te dia ku bai drecha e kamindanan di forma struktural. Ayera EXTRA a topa ku e grupo ku tin e bario di Suffisant na nan enkargo.

Suffisant ta un bario ku tin kayanan hopi dekaí i ku kasi no tin kaminda bon mas sino ta buraku so.

A yena e burakunan i awor tur esnan ku ta frekuentá e área a haña un alivio temporal, mirando ku e kaminda ta poko mihó ku loke e tabata ántes, ounke ku e kaminda aki mester di un rekonstrukshon kompletu.