WILLEMSTAD.- Dia promé di desèmber último Sunscape Resort Kòrsou a selebrá nan promé lustro di eksistensia aki na Kòrsou i tambe a selebrá e “Global Trade Symposium” 2017 ku partisipashon di diferente agensianan di biahe internashonal i tambe esnan ku ta atendé ku merkadeo den turismo tantu lokal komo internashonal.

Den e 5 añanan di nan eksistensia Sunscape Resort a konta ku yegada di mas ku 20.000 wéspet for di rònt mundu ku a bishitá e resort aki na Kòrsou i ku a sigui bishita e resort mensualmente.

Esaki ta ekivalente na 1.2 mion florin di ganashi ku e turistanan a kontribuí kuné durante di nan estadia na Kòrsou.

E selebrashon a konta tambe ku presensia di e visepresidente di operashon regional di latino Amérika i “English Speaking Caribbean” Sr. Ricardo Bravo.