WILLEMSTAD.- Entrante 1e ougùstùs 2021 departamento di Penshun di SVB tambe ta kuminsá traha ku sita pa asina duna un mihó servisio na su klientenan. Esaki ta enserá ku klientenan mester traha nan sita adelantá ‘online’ pa despues akudí riba e dia i orario di e reservashon di nan sita na SVB. Na momentu ku presentá na SVB pa akudí na un sita, sea asina bon di presentá ku un identifikashon bálido. Traha sita via sita.svbcur.org

SVB ta enkurashá su klientenan pa hasi uso mas tantu ku ta posibel di e medionan di e-mail i telefòn.

Pa kualke pregunta tokante penshun di behes (AOV), viuda òf wèrfano (AWW), òf entrega di petishon ‘online’, pidi un  deklarashon di e montante  mensual i/òf anual di penshun ‘online’, por hasi uso di e

e-mailadres pensioenen@svbcur.org òf por tuma kontakto ku nos via di e siguiente numbernan di telefòn 4344-603, 4344-604, 4344-605 òf 4344-402. Pa informashon general tokante AOV i AWW por bishita tambe nos wèpsait www.svbcur.org.

Pa por risibí e siguiente servisionan pa SVB Hulanda no mester traha un sita ‘online’, pero por hasi un petishon via e-mail òf telefòn:

-Petishon pa un deklarashon tokante e montante risibí anual i/òf mensual di AOW-penshun.

Informashon tokante pagonan risibí di penshun.

-Entrega akta di fayesimentu òf karta di opheshon.

-Informashon general di AOW-penshun.

-Petishon pa bishita na kas.

Pa por risibí un di e servisionan aki riba menshoná por manda un e-mail pa señora G. Louisa na e

e-mailadres aownl@svbcur.org òf por bèl na 4344-461. Pa por risibí tur sobrá servisio pa SVB Hulanda mester traha un sita ‘online’.

Nota importante!

Pa un servisio mas rápido durante e sita, SVB ta enkurashá su klientenan pa yena i firma e formulario di petishon promé ku akudí na e sita. Si ta mas ku un miembro di famia mester hasi petishon, mester traha un sita pa kada persona. Pa petishon di AOV-penshun, por kuminsá traha un sita denter di 6 luna promé ku kumpli e edat di 65 aña.