WILLEMSTAD.- Minister di Hustisia Nelson Navarro a trese dilanti den parlamento ku lo bai konstruí garashi di polis nobo den kurá di polis na Rio Canario.

E mandatario a splika ku tin un suma di 500 mil florin ta destiná pa traha i ekipá un garashi di polis nobo riba tereno patras na Rio Canario.

Aktualmente polis tin un edifisio ta hür komo garashi. Ku esaki ta baha e gastunan anual i por brinda mantenshon chikí riba e outonan di polis den kas mes, en bes di manda nan un garashi eksterno.

Esaki ta e idea pa polis tin su mes garashi i polis tin su mes hendenan, segun e mandatario a indiká.

Mester bisa ku ta basta tereno tin na Rio Canario ku un kantidat di vehíkulo ku a kita for di kaya poné. Pues un parti di e outonan aki lo tin di bai kurá pa habri kaminda pa garashi di polis.