WILLEMSTAD.- Na 2013, mei mei di e aña ei e kompania di aviashon Inselair a kuminsá ehekutá mantenementu na su avionnan. E asina yama C-check ki tabata sosodé den eksterior, kostando hopi plaka awor ta sosodé na Kòrsou mes. Esaki a habri oportunidat pa mas kupo di trabou pa hóbennan den e ramo aki. “I nos ta sinti nos orguyoso di por hasi e trabou aki”, asina un grupo di trahadó di e departamento di mantenimentu di Inselair a bisa EXTRA durante un kombersashon breve. E trahadonan aki ta prekupa pa nan pan i ta un mas prekupa pasobra nan a nisa EXTRA, hopi di e akusashonnan no ta kuadra ku realidat.

“Nos por sa pasobra ta nmos ta hasi e mantenshon na avionnan, ta nos tei ora outoridfatnan di aviashon sivil di Aruba, Kòrsou i asta FAA bin tira un bista kon kos ta kanando. Tur loke tin riba kaya ta rumor i konklushonnan ku ta trese pan di kasi 700 trahadó na Kòrsou i 200 na Aruba na peliger”, e trahadónan a bisa EXTRA. Tur a identifiká nan mes debidamente pero a pidi pa nan keda anónimo den e kombersashon ku nos pasobra nan no ta outorisá pa papia. Pero den e kaso aki nan no ta hasié na nòmber di Inselair pero si na nòmber di trahadónan di e kompania.

No mas ku na luna di novèmber pasa outoridatnan di aviashon sivil di Aruba tabata na Kòrsou inspekshonando avionnan di Inselair. FAA tambe a bin resientemente pa mira si tur kos ta kana segun regla. I no tabatin niun reportahe di algu fuera di regla na e avionnan ni e kompania Inselair.

“Siman pasa na Aruba a ground un di nos avionnan debí na fluktuashon di preshon den kabina. A ground despues tur e otro MD nan pa investigá similaridat. Ya un siman a pasa i nos ku ta traha den e departamento di mantenementu no por a tende di niun fayo ku a haña. A bula e avionnan tur bai laira i bin abou i hasi tur loke mester a hasi komo tèst i no tabatin niun similaridat di fluktuashon di preshon den kabina i niun otro fayo.Ta dikon ta tene e avionnan na suela. Esaki ta stroba nos kompania di sigui drei i ta kousa mas gastu i disgustu serka e pasaheronan”, e trahadónan a bisa EXTRA hopi preokupá.

E trahadónan a bisa EXTRA ku pa nan ta simplemente Aruba ke kompania Inselair lubidando ku einan tin kasi 200 kolega tambe koriendo rísiko di pèrdè nan pan di kada dia.

E trahadónan a bisa EXTRA ku awor si nan lo no keda ketu pero lo papia pa mustra riba inhustisia i kuantu kos ta bai ront kontra di Inselair ku no ta bèrdat. Si ta bisa ku e kompania no ta Safe pa bula kuné ta simplemente basa riba rumor i mas rumor pero nada konkreto ku por basa esei ariba.