WILLEMSTAD.- Outoridatnan ayera a konfiská tur piska di un boto ku a sali bai sea piska òf tuma piská riba laman pero no a deklará na duana.

E prosedura ta ku e boto ku ta bai tuma piská afó mester deklará na duana. Tin un prosedura bon kla ku tin di registrá na duana ora ta sali i bin bèk.

Den e kaso aki e boto a bai i a bin bèk paden yen yen di piska. Riba e boto tabatin 5 persona entre nan un polis, ku anteriormente kaba parse tabata den un kaso similar.

Durante di investigashon riba e boto outoridatnan a haña ekiponan di sambuyá. Esaki ta hasi e investigashon aun mas grandi na momentu ku outoridatnan a disidí ku ta konfiská e boto tambe, meskos ku e piskanan.

Segun EXTRA su informashonnan, ke bai investigá kiko tin bou di e boto aki, teniendo na kuenta ku a haña ekipo di sambuyá riba dje.