WILLEMSTAD.- Apesar di medidanan ku for di mart ta na vigor pa baha e kasonan di kontagio di Corona vírus riba nos isla, tòg negoshantenan ta sigui burla di nos outoridat òf no ta komprondé e mensahe di “lockdown” pa baha e kontagionan. E lugánan ku no ta vital, i ku a será ta por ehèmpel un kapsalon ku tabata hasiendo pedikür i manikür. Aparte di a sera nan, e tim a duna nan un but tambe. Loke e tim a konstatá ta aglomerashon na mimarketnan. Hendenan ta bai sinta dilanti minimarket, nan no tin mondkapje i no ta mantené distansia. A repartí un total di 26 but pa tapa boka, orario di sera, aglomerashon, no praktiká “delivery”, no mantené protokòl.