CALIFORNIA, AP. – Outoridatnan di un munisipio di California ke re-ubika e kalakunanan ku ta ataká hende riba kaya. E korant Sacramento Bee ta informá ku e konseho munisipal di Davis a aprobá e siman aki un plan pa kontrolá e kalakunanan kual ta inkluí kue nan i re- ubikanan i posiblemente mata esnan mas agresivo. Un ordenansa lo prohibí e hendenan pa duna e kalakunanan kuminda.
E bisiñanan di Davis ta apresiá e bida silvestre urbano. Nan a konstruí un tùnel pa sapu i protehá e konènchinan pero e kalakunanan ku ta pasa riba kaya ta superá e límite di toleransia.
E hefe di polis di Davis, Darren Pytel a bisa ku su departamento a risibí yamada di hendenan ku ta keda agredí pa e kalakunanan inkluso un hòmber ku a keda primi den muraya di un banko pa e kalakunanan aki.
