VVRP ta sigui pone steker:

WILLEMSTAD.- Personal di VVRP ayera a kontinuá pegando steker riba vários bòrchi di propaganda polítiko ku no ta kumpli ku lei kaminda nan mester ta.

Por a tuma nota di un bòrchi di algun meter hanchu i haltu di kual polítikonan tabata prepará esaki na un plenchi na Fokkerweg.

Promé ku e polítikonan a haña chèns di kuminsá pone posternan riba e bòrchi aki, personal di VVRP a pone steker riba e bòrchi aki.

E steker ta indiká ku esnan responsabel tin 2 siman pa kita e bòrchi si no lo laga kita e bòrchi riba kosto di esnan responsabel.

E tamaño di e bòrchinan aki simplemente no por.

I sigur no kaminda ku ta stroba visibilidat di outomobilistanan. Riba foto por mira na momentu ku miembronan di e partido a yega na e bòrchi pa bai pega propaganda dje partido polítiko i a topa steker poné.