WILLEMSTAD.- Ayera e tankero Höegh Galleon, kual ta un barku hopi grandi a drenta haf. Su destinashon tabata pa bai DOK pa reparashon. Sinembargo debí na e situashon di akshon den DOK, a mara e barku na jeti 5 di Refineria  den boka di haf. E barku grandi a drenta haf bou di guia profeshonal di lots, i toubotnan di KTK. E kuater toubotnan Manta, Ola, Barakuda i Lima a tou e barku  paden. Höegh Galleon ta un barku relativamente nobo, el a keda konstruí na 2019 i ta nabegá bou di bandera Noruego. E barku tin un largura di 297.5 m. i un hanchura di 43.44 m. E tankero ta transportá gas líkido (LNG).