Tankero Höegh Galleon a drenta haf di Sta Anna

WILLEMSTAD.-Sentro di siudat ta vibrante awe mainta atrobe ku tantu hendenan lokal kumpliendo ku nan deligensianan komo turistanan disfrutando di e beyesa ku Kòrsou ta brinda. Algu despues di 7’or por a mira di leu un barku hopi grandi den direkshon di boka di haf i den algun minüt e tankero Höegh Galleon a drenta haf. Esaki a sosodé bou di guia profeshonal di lots toubotnan di KTK.
Höegh Galleon ta un barku relativamente nobo, el a keda konstruí na 2019 i ta nabegá bou di bandera Noruego. E barku tin un largura di 297.5 m i un hanchura di 43.44 m. E tankero ta transportá gas líkido (LNG).