TANKERO KU GAS PA REFINERIA ISLA

WILLEMTAD.- Un desaroyo hopi interesante ta ku Refineria Isla PDVSA a risibí su promé barku ku produkto, despues ku ConocoPhillips a pone beslag riba tur propiedat di PDVSA na Kòrsou tambe. Ta trata di e barku “Navigator Virgo” ku a yega Kòrsou ku kargamentu di gas Isobutaan.

Esaki ta un produkto importante pa e refineria. Ta usa Isobutaan  den e proseso di alkilashon pa traha komponente pa produsí gasolin. E barku a yega djamars den oranan di mèrdia i a mara na un di e jettynan di refineria.

Mei di e aña aki tabata e último bia ku Refineria Isla a haña niun produkto pasobra ConocoPhillips. Na mei ConocoPhillips a logra, pa medio di un desishon di korte, pa pone beslag riba propiedatnan di PDVSA pa asina kobra e 2 miar dòler ku e kompania a gana den un kaso di arbitrahe kontra di PDSVA. No solamente Kòrsou pero tambe Boneiru a sufri hopi bou di e desishon aki. Vários barku a yega Kòrsou pero no por a drenta haf pa deskarga produkto pasobra mesora deurwaarder lo a pone beslag. Te siman pasa e preokupashon tabata grandi pa produkshon di produktonan petrolero mirando ku refineria Isla no a haña krudo for di mei. E speransa tei awor ku Refineria Isla a haña e promé barku ku gas.

SHARE

LEAVE A REPLY