STO ku e speransa ku e Minister nobo hasi un mihó trabou

WILLEMSTAD. - Reakshonando riba e pregunta, kiko Sindikato Transporte Optimalisá (STO) lo hasi pa su miembronan i otronan ku ta traha den transporte públiko, Presidente di STO Giovannie Decaster a splika ku aktualmente nan no ta bai MEO, sigur no ku ainda Minister Steven Martina ta den ofisina. Decaster a splika ku nan sa kaba ku serka  Martina nan no por yega te pa Martina solushoná nan problemanan.

Ta spera ku Minister nobo  di ekonomia drenta ku e meta pa solushoná problemanan ku tin spesialmente e asuntu di krudo.

Decaster a añadíٕ ku nan ta tendiendo zonidonan ku STU ta pro un oumentu di tarifa di bùs loke ku nan ta desaprobá. Decaster a bisa ku no por hisa tarifa di bùs. Awor aki mes bùs nan ta kore bashí, si hisa e tarifa, ta mihó shofùrnan di bùs nan mes bai den ’lockdown’.

STO ta di opinion ku tin otro solushon i nan ta pendiente e otro minister sinta di manera ku por implementá e ideanan nobo pa yega na un mihó solushon.

Decaster a splika ku nan tin un plan i ta spera e minister nobo sigui e idea aki, pero si te na ora e minister no bai di akuerdo ku nan plan, nan lo apresiá si e minister bin ku un bon plan.

Mester yega dje leu ei ku bùsnan i taksistanan por sinti trankilidat i alivio.