WILLEMSTAD.- Kumpliendo ku obligashon di informá komunidat pa loke ta trata adaptashon di tarifanan di awa i elektrisidat gobièrnu di Kòrsou ta anunsiá ku entrante promé di novèmber awor e tarifanan di awa i koriente lo kambia. Tantu awa komo koriente lo subi entrante e fecha menshoná.

For di e tarifa doméstiko te otronan manera tarifa komersial, pa industria i pa hospital tur ta kambia. E tarifa di koriente pa e promé 250 kW-pa ora ta te awor Fl 0.5243 i esaki ta subi na Fl 0.5422 pa kW-pa ora. Pues un oumentu di 1.8 sèn pa kW-pa ora.

Pa loke ta trata awa esaki ta kosta awor aki Fl 7.7369 pa meter kúbiko, kontando e promé 9 meter kúbiko ku ta konta pa e tarifa doméstiko. E tarifa ta kambia i bira Fl 7.8184 pa meter kúbiko entrante 1 novèmber 2018.

E splikashon ku BTP ta duna ta ku ta trata di un subida di tarifanan pa awa i koriente ku ta kousá prinsipalmente pa e produkto miksto pronostiká pa e produkshon di elektrisidat den luna di novèmber i un oumentu den e faktor di korekshon di awa i koriente riba luna di sèptèmber.