WILLEMSTAD – Entrante djamars 1 di mart 2022 e tarifa regulá di gasolin i diesel ta subi na Kòrsou. Gasolin lo tin un oumento di 14 sen i diesel 13 sen. Tambe e tarifa di elektrisidat i awa ta subi entrante djamars 1 di mart 2022. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.

Ta papia di un oumento persistente fuerte di preisnan internashonal pa krudo i kombustibel refiná. Den e gráfiko athunto ta ilustrá e desaroyo, ku ta mustra oumento (krudo WTI) di kasi 30% for di fin di desèmber 2021. Den edishon di EXTRA mayan lo tin e relato amplio.