WILLEMSTAD – Gasolin lo baha ku 10 sèn i diesel lo subi ku kasi 3 sèn. Entrante djamars dia 3 di dezèmber 2019 e tarifa regulá di gasolin lo baha na Kòrsou. En kambio, e tarifa di diesel lo subi. For di djadumingu dia 1 di dezèmber 2019 e tarifa di elektrisidat lo subi i e preis di awa lo baha. Esaki Bureau Telecommunicatie en Post (BT&P) ta partisipá den su komunikado mensual riba e partikularidat akí. BT&P ta supervisá e desaroyo di preis di produktonan petrolero i di utilidat. Den edishon di EXTRA mayan lo tin mas detaye.