WILLEMSTAD – Entrante djamars 31 di novèmber 2023 e tarifa di gasolin ta baha i e tarifa di diesel ta subi na Kòrsou. Tambe e tarifa di elektrisidat i awa ta subi entrante djárason 1 di novèmber 2023. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.

E preisnan vigente ta pa gasolin Mogas 95 Fl 2,501 i pa diesel LSD Fl 1.911 pa liter. E preisnan nobo ta drenta na vigor entrante 31 oktober próksimo. E preis pa Mogas 95 ta bira Fl 2,484 pa liter, miéntras diesel su preis nobo ta bira Fl 2,044. Bòter di gas di 20lb i 100lb ta keda meskos respektivamente Fl 16 i Fl 80.

E informe ofisial ta indiká ku maske ku e preis di kompra pa Mogas 95 a subi, e tarifa usuario final pa Mogas 95 ta baha debí na un bahada den e komponente di korekshon. E tarifa usuario final pa Gasoil LSD lo subi prinsipalmente debí na e prosesamentu di e mitar di e oumento di e preis di kompra di luna pasá i tambe dor di e subida den e preis di kompra kual ta kore paralèl ku esun di Platts. Pa prevení un fluktuashon grandi den un solo biaha di e tarifa usuario di Gasoil LSD, e subida di e preis di kompra lo keda hinká komo un komponente di korekshon negativo. E medida aki lo keda koregí dentro di e lunanan binidero.