WILLEMSTAD – Entrante djamars 1 novèmber 2022 e tarifa regulá di gasolin ta baha na Kòrsou ku 23.5 sen. E tarifa di diesel ta subi ku kasi 5 sen i e tarifa di elektrisidat i awa ta keda práktikamente meskos. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.

E bahada di e tarifa usuario final pa Mogas 95 ta resultado di un bahada fuerte di preis di kompra den kombinashon ku un oumento di e korekshon den e komponente Sùrplùs/Défisit. E oumento di e tarifa usuario final pa gasoil LSD ta resultado di un oumento di e preis di kompra den kombinashon ku un bahada di e korekshon den e komponente Sùrplùs/Défisit.