WILLEMSTAD – Entrante djamars 2 di novèmber 2021 e tarifa regulá di gasolin, diesel i LPG ta subi na Kòrsou. E tarifa di elektrisidat i awa tambe ta subi entrante djaluna 1 di novèmber 2021. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat.

Gasolin lo subi ku 1 sèn miéntras ku diesel lo oumentá ku 10 sèn. Bòter di gas di 100 liber lo subi ku 10 florin miéntras bòter chikí di 20 liber lo kosta awor 16 florin, un oumento di dos florin.

For di sèptèmber 2021 tin papiá di oumentunan supstansial di preisnan internashonal pa krudo i produktonan di kombustibel, loke na e momentonan aki ta kondusí na oumentu fuerte di preisnan di energia. Na Kòrsou tambe e tarifanan pa usuario final ta subi tantu pa Mogas 95 komo pa Gasoil LSD i LPG prinsipalmente komo konsekuensia di un oumento di preisnan di kompra. Pa evitá un kalkulashon di tarifa ainda mas grandi pa Gasoil LSD di gòlpi, ta apliká e oumento di preis di kompra den dos stap mediante un korekshon negativo den e komponente Sùrplùs/Défisit. E oumentonan di preis internashonal resien den e próksimo lunanan lo redundá den e preisnan di energia na Kòrsou.

Den edishon di EXTRA mayan lo tin mas detaye