WILLEMSTAD.- Den wikènt nos muchanan di bario Wishi, Marchena i bisindario a risibí nan sertifikado di finansa hubenil. E tayer a keda organisá pa Jetselin Legito huntu ku Fundashon Sefba i Samenwerkende Fondsen Cariben. Den e tayer e muchanan a siña kon atendé ku sèn pa evitá problema finansiero. E tayer tabatin un durashon di 4 siman kaminda a trata 4 tópiko ku e muchanan. Trabou, gasta responsabel, spar i kompartí tabata e temanan. E muchanan a siña hopi i a partisipá aktivamente. I den wikènt pasá nan a risibí nan sertifikado di partisipashon.