WILLEMSTAD – Gobièrnu di Kòrsou a bolbe suministrá un ‘update’ ku último sifranan pa ku e proseso di bakunashon ku ta tumando lugá. Manera ta konosí ofisialmente e proseso di bakunashon a kuminsá dia 25 di febrüari i te ku awe mainta un total di 16.498 persona a bakuna. Di esakinan 5.841 ya a risibí e di dos bakuna.  Entrante djasabra ta amplia e kapasidat pa mas hende por bakuná, awor na un lokalidat nobo na Sambil. E demanda ta sigui haltu i a kuminsá habri e oportunidat pa mas hende por bakuna tambe. Aktualmente tin 24.116 persona ku a pidi pa sita kaba. E meta ta pa e promesa di un futuro briante bira nos realidat. Subi www.bakuna.cw pa mas informashon.