WILLEMSTAD. - Un Ola  Tropikal ku a forma djis pegá ku islanan di Kabo Verde ta produsí aktividat desorganisá di áwaseru i welek i bos. E kondishonnan ambiental ta parse generalmente faborabel pa e desaroyo gradual i ta probabel ku un depreshon tropikal lo forma durante mitar pa e último parti di e siman aki miéntras e ta move wèst pa wèst-nòrtwèst via Atlántiko Tropikal Oriental i Sentral. E chèns pa desaroyá den un siklon  denter di e 48 oranan, ta 20%, miéntras den e próksimo 7 dianan esaki ta 70%.

Pa loke ta trata e tempu den nos region t’asina ku awe lo bira un otro dia ku kalor lo dominá. Temperatura máksimo lo alkansá 34ºC i temperatura mínimo 28ºC, miéntras tempu lo ta parsialmente nublá ku wer seku i èkstra kalor durante di dia.

Ta pronostiká ku e situashon general, durante di próksimo 24 ora, kondishon atmosfériko ta sigui limitá desaroyo di nubianan signifikante riba nos region. Pa e motibu aki un wer prinsipalmente seku i kalor, durante di dia, ta sigui prevalesé riba nos isla.

Perspektiva te djárason atardi, ta por lo general parsialmente nublá ku algun áwaseru lokal posibel.