WILLEMSTAD.- Awor ku e periodo pa Marilyn Alcalá-Wallé reakshoná riba pregunta di Konseho Supremo Elektoral, esta si e ta aseptá su asiento den parlamento a vense, por antisipá ku ta bolbe surgi e situashon den parlamento ku no ta forma quorum pa kontrolá kredensial di Emmilou Capriles ku ta e siguiente na turno pa drenta. Ya kaba t’asina ku pa algun siman kaba no ta formando quorum pa reunionnan públiko di parlamento i asta tin parlamentario a indiká ku nan lo no presentá pa reunion sino te dia 10 mei awor. Un situashon ku por redundá den un medida di alto supervishon di parti di Hulanda den porta di un elekshon na Kòrsou.

Alcalá-Wallé asta a indiká kaba na direktiva di PAR ku e biaha aki e lo no asumí e funshon di parlamentario. Djabièrnè 5 febrüari e periodo ku Alcalá-Wallé tabatin pa reakshoná riba e karta di Konseho Supremo Elektoral si e ta aseptá e asiento ta pasa i outomátikamente Konseho Supremo Elektoral ta sigui pa e siguiente kandidato riba lista di partido PAR ku ta Capriles.