...Edsard Ravelli ta na Kòrsou aktualmente. Nos ta kòrd’é den su videonan kaminda e ta konsientisá riba Facebook enpartikular, riba e pandemia di Corona Vírus. Edsard Ravelli su bishita na Kòrsou ta pa informá i eduká nos pueblo i asina evitá ku Kòrsou lo por bai den lockdown na òktober próksimo. Nos a papia ku Edsard i ya el a hiba diferente kombersashon ku instansia i personanan ku tin na nan enkargo e parti di informá i konsientisá nos pueblo.

“Eduká i konsientisá, pasobra mi ta kere ora bo tin rèspèt pa bo pueblo, bo ta informe i mi ta kere ku ora informá un hende i nan komprondé kon e  vírus ta plama i kiko e ta hasi, bo tin ni nodi di pone regla, pasobra un hende ku komprondé kon e kos ta bai, outomátikamente por komprondé na e mihó manera”, Ravelli a bisa EXTRA.

Informá i eduká diferente

Relashoná ku e forma ku a eduká i informá nos pueblo for di mart 2020, Ravelli a bisa ku e lo a hasié diferente. E lo a hasi tur kos abase di siensia i data, Loke a nota ta ku tin dos grupo, tin e pro i e kontra, e si i e no i tur e dos bandanan ta tuma e informashon ku ta duna nan rason. I nan ta ignorá e informashon ku no ta den nan benefisio. Komo ehèmpel Ravelli a bisa ku e ta un hende masha positivo i ke kere ku tur hende ta bon i positivo. I te asta hende hasi malu nan ta hasié ku bon intenshon. E tema di bakunashon por ehèmpel, e ta kere ku e hende den e tim di krísis ta kere den e bakuna i ta kere den dje asina tantu ku nan ke motivá tur hende pa bakuna. Esei ta algu mundial. Nan ta kere ku si hende bakuna e ta yuda kombatí e krísis. Ravelli ke kere ku e kosnan ku nan ta pensa ku lo pone hende duda den e bakuna, no ta duna informashon riba de. Esaki pasobra nan ta kere asina tantu den e bakuna ku si nan bisa otro kos, ménos hende lo bakuna. Esei ta un fout pa Ravelli. Ser humano ta masha inteligente i nan ta sinti ora hende no ta outéntiko i no ta bisa algu ku ta kompletamente korekto. E ta kere ku si bo ke pa hende bakuna, bo mester ta sinsero i splika e bentahanan. E mes a konsientisá su mama pa vakuna pasobra siensia a dun'é e informashon pa e tuma un desishon bon informá. Pero el a bisa tambe ku e mes no ta bakuna i esei tambe abase di siensia. Ora bo informá kompletamente, bo ta mustra tur dos banda bo ta haña mas konfiansa di pueblo i asina mas hende tambe lo bakuna. Awor aki tin un grupo masha grandi ku no ta tuma e bakuna. Un grupo ta hasié informá pero un otro grupo grandi no ta tuma e bakuna pasobra nan no ta konfia e informashon, pasobra nan tambe a nota ku e informashon ta di un banda so. E informashon di un  banda so ta e eror di mas grandi ku rònt mundu ta keda hasi. Pero Ravelli ta kere ku esei ta keda hasi ku bon intenshon.

Evitá ku e vírus ta plama

Ravelli a bisa ku tin un grupo ku a yam’e mekániko i awor e mes ta yama su m es mekániko. Un outo tin yen di medida ku ta sòru pa salba bida di hende i no e ‘seatbelt’ so, e brek, bùmper, ‘winshil’, waiper, ‘airbag’, tayer, ‘anti-lockbrake’, tur ta medidanan ku huntu ta purba protehá e hende si e dal outo. Su punto ta ku ora un hende ke bende ‘seatbelts’ so, e no ta besig ta protehá bu pero e ke djis bende e ‘seatbelts’. Ravelli ta wak e bakuna komo un di e medidanan den un kantidat di medida. I p’esei e no ta kontra ni pro, pero e ta kere ku e ta un parti chikí ku por usa pa protehá nos hendenan.

Na kuminsamentu a bisa ku e bakuna ta protehá pa bo no keda infektá pero awor sa ku esei no ta e kaso. Despues a bisa ku e ta protehá kontra e severidat di e malesa. Awor sa ku e bakuna ta protehá kontra e severidat di Covid ora ta infektá kue variante original. Awor nso sa den kaso di Delta ku e no ta protehá ètòl i esei por wak abase di data den Israel. Mitar di e hendenan infektá den Israel tabata kompletamente vakuna i asta mitar di esnan ku awor ta fayesé na Israel tambe tabata kompletamente vakuna. Hende a tuma e bakuna pasobra nan a tende e ta protehá kompletamente pero awor ta realisando ku esei no ta e kaso. Ravelli a bisa ku den kaso di su mama, ta un persona mayor di edat, e tin problema ku pulmon i e ta sobre peso i den su kaso ta un bon idea pa e vakuna. Pro den kaso di Ravelli el a bisa ku e no tin sobrepeso, el a haña Covid kaba i a pasa trankil dor di dje i e ta konsiderá su mes poko hoben. I e problema di e vakuna ta ku no a hasi e estudio di tempu largu. I p’esei Ravelli ta kere na duna tur e informashonnan aki pa asina un hende por tuma un desishon mas mihó.

Protehá i evitá infekshon ta un totalidat di medida

Covid lo no bai nunka mas. Nos mester ta sinsero den esei tambe. Esun ku ta bisa 0 Covid ta imposibel. Meskos ku AIDS no ta bai niun kaminda pero nos por protehá nos mes. Edsard Ravelli dor di su estudio i pronóstikonan yen universidat na mundu ta bin serka dje. Kon ta posibel kon un persona manera e no ku no ta un epidemiólogo ni virologo por hasi e tipo di análisis aki. Ravelli a bisa ku e tin 20 aña ta hasi análisis di data. E tin akseso direkto na informashonnan. E ta kompará tur e 355 munisipionan na Ulanda kada dia i kompará e wer den tur munisipio kada dia. Einan a nota ku e diferensia chikí entre humedat di airu den un munisipio, esei eksaktamente ta splika pa kiko e prevalensia tabata mas haltu den otro munisipio. I wes ta hopi stabil. Na Korsou kada aña den òktober e periodo di áwaseru ta kuminsá i na Ulanda den siman 44 e humedat di aire ta baha na un nivel ku ta sòru pa outomátikamente vírus transmití mas lihé. Esei el a pronostiká abase di datonan ku e tin. Kada aña den mei den sierto dia e humedat den aire ta subi i kasonan ta baha i ora e baha den òktober e transmishon ta kuminsá. Abase di esei segun Ravelli el a pronostiká kiko a pasa. Universidat di Harvard, Yale, Virginie, Columbia, TU Delft. Tur a bai serka dje i kier a sa kon el a hasié, El a krea un modelo i asina el a splika e teknologia i pa usa e modelo ei rònt mundu pa pronostiká. Na Alemania ta usando e modelo di Ravelli pa pronostiká. E bentaha ta ku Ravelli a siña di nan pasobra e no tabata un studiante di vírus. Huntu ku universidat di Virginia Tec i Yale nan a traha un protokòl pa protehá pais, pa protehá restorant, pa protehá hotèl i a publiká e protokòlnan aki. Tur hende por usa nan. Tin diferente parti di e protokòl ku por implementá i mas implementá, meskos ku e outo, mas safe e kos ta bira. Den kaso di Korsou mester realisá ku aki ta diferente di Ulanda.

Tèst na Kòrsou ora drenta

Ulanda ta un pais habri ku por drenta di diferente forma i konsekuentemente no por ser’e, pero e bentaha di Korsou ta ku e ta un isla i aki e vírus ta drenta via di haf òf airopuerto. E kantidat mas grandi di hende ku ta bin dor di airopuerto i loke no ta drenta no por plama. Un problema awor ta ku ta hasi e PCR tèst na Ulanda. Den su kaso el a tèst na Ulanda i a Sali negativo. Pero promé el a bin Korsou el a Sali i tabatin reunionnan. Despues di 2 dia el a bin Kòrsou i aki el a bai yen kaminda. Den 3 dia el a topa sigur ku 350 hende, Danki dios djadumingu e tèst di antigen a sali ku e ta negativo. Pero imaginá e konsekuensia lo tabata si e tabata positivo. E lo tabata un ‘superspreader’. I esei ta e vírus. Hopi hende ta papia di e R ku mester ta bou di 1 pero suponé un hende pega un hende so. Pero e vírus no ta traha asina, e ta traha ku un hende ta infektá e hendenna rondó di dje i ta plama mesora.  Hende por bisa ku e ta hasi pániko, pero djis pensa kiko por pasa den òktober. I p’esei mester tèst na Hato mes. Asta e ta bisa ignorá e pasport di vakunashon, ignorá PCR tèst di antemano i tèst na Hato. Esei ta duna un par di bentaha masha grandi. Na promé lugá e lo trese mas kupo di trabou pasobra tèstnan ta wòrdu hasi aki na Korsou na airopuerto mes. Tambe e ta bira ménos gastu pa e turista/biahero. WHO a bisa di no ta aseptá e pasport di vakuna i un merikano no ta bai un pais ku ta eksihí un pasport di vakuna. Den e kaso aki di Korsou lag’e kai nos ta bira interesante komo pais pa hopi otro ku si por biaha bin Kòrsou. Tambe ta bin aserka segun Ravelli ku lo tin hopi ménos kontagia i ora tin ménos kontagia bo ta kere kódigo bèrdè i esei ke men ku Kòrsou ta keda habri i sigur turista ke bai un lugá asina. Pe ta kompletamente opvio ku Hato mester ta e focus number un di tur hende. I esaki ta e motibu dikon Edsard Ravelli a bin Kòrsou

Si no tuma desishon lo sera na òktober

Ravelli a yega Kòrsou siman pasa djaweps i ya el a haña hopi reakshon, di organisashonnan polítiko, sindikato. I di tur e reakshonnan ku el a haña 99% ta bisa ku e kos aki ta asina lógiko ku no ta komprondé dikon no a hasié ainda. I esei Ravelli ta besig kuné den su estadia na Kòrsou. E ta bishitando no solamente medionan di komunikashon pero tambe instansianan ku tin di tuma desishon. Ravelli a bisa ku Kòrsou mester rekonosé ku tin entidatnan poderoso ku ta wak nos ku wowo di falki. I mester tene kuenta ku si no tuma medida Korsou lo sera mitar di òktober pa fin di òktober i lo keda sera sigur te ku desèmber. P’esei su bishita na Kòrsou i p’esei e kombersashonnan.