Pa akto di inmoralidat ku dama

WILLEMSTAD.- Ayera mainta polis a logra pone man riba un abusadó di akto inmoral den Otrobanda. Tur kos ta indiká ku a gar’é den akto inmoral ku un dama.

Polis ta informá ku ayera mainta den kareda di kuartu pasá di 8 sentral di Polis a haña notifikashon ku un hòmber a kometé akto inmoral ku un dama den Rouvilleweg na altura di Emmaburg.

Na yegada polis a topa ku testigunan ku a kue e hòmber sospechoso tene. Na e sitio polis a detené e hòmber M.C.S di 47 aña di edat nasé na Kòrsou, pa e kaso ariba menshoná. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.