WILLEMSTAD.- Ayera mèrdia e tim multidisiplinario a bishita e hóbennan ku ta para diariamente na e krusada di Presidente Rómulo Betancourt Boulevard krusada ku Kaya Gutierrez i Gerardina pa asina bende e.o djus.

E tim a bishita e hóbennan aki i primeramente a aploudí e hóbennan pa nan manera positivo ku nan ta buska pa generá un entrada i no kana hasi malu.

Loke nan bishita tabata pe, ta pa konsehá e hóbennan riba e mihó manera pa para bende djus pa asina no pone bida di ningun hende na peliger mirando ku tráfiko den e área ta basta peligroso.

A mustra e hóbennan unda ta e mihó manera pa para, tambe a konsehá e hóbennan pa traha un bòrchi di preis ya asina ta mas fásil pa outomobilistanan. Kos lo kana mas lihé tambe i tráfiko lo no wanta.

Tambe a konsehá e hóbennan pa kana mei mei e outonan bende djus solamente ora lus ta kòrá. A papia ku mayor di un di e muchanan tambe i a pone e mayor tambe na altura di e konsehonan pa asina tur kos kana sin ningun problema.

LAGA UN KOMENTARIO

Please enter your comment!
Please enter your name here