WILLEMSTAD.- Ayera durante di oranan trempan di mainta, e tim multidisiplinario formá pa MEO, BAB i tambe SOAW a bishitá Interieurtiek Saab BV na Montaña i tambe Speedy Security na Saliña abou.

A bai primeramente na Interieurtiek Saab. Despues di algun ratu di kòntròl a konkluí ku no tin ningun partikularidat i ku tur kos di e establesimentu ta na òrdu. Esaki ta inkluí tur papel i pèrmit i tambe e parti di impuesto.

Despues a bai na Speedy Security na Saliña abou. Koperashon akinan no a bai bon. Na nan yegada e empleadonan presentá a indiká na e tim multidisiplinario ku no tin ningun persona di gerensia presente pues nan no por fasilitá e dokumentonan nesesario di ningun forma. E tim a indiká na e empleadonan ku e dokumentonan di e establesimentu mester ta aksesibel tur momentu.

A indiká na e empleadonan ku lo regresá bek pa por kontinuá ku e kòntròl, si no por fasilitá e dokumentonan nesesario lo tuma medidanan serio kontra di e negoshi.

Informashon ku EXTRA ta dispone di dje ta indiká ku a bai na e establesimentu aki despues ku ya a risibí basta keho di empleadonan. Prinsipalmente e manera ku ta trata ku empleadonan.

https://www.facebook.com/extracuracao/videos/1442394302514004/

https://www.facebook.com/extracuracao/videos/1442380265848741/