WILLEMSTAD.- E Tim Multidisiplinario mester a para operashon di vários restorant ku tabata funshoná manera snèk. Esei ainda no tin mag segun e medidanan di deskalashon ku promé minister a anunsiá djaluna último.
Manera tur dia, e Tim a subi kaya ayera tambe i a pasa kontrolá alrededor di 21 establesimentu riba nos isla.
A bishitá vários negoshi manera unu di èrko na Sta Rosaweg, bendementu di telefòn na Sta Rosaweg, lugá di bende artíkulo pa kas riba Winston Churchillweg, minimarketnan i vários bar restorant.
Banda di esaki ta vários negoshi a haña un aviso serka e tim pasobra nan tabata permití klientenan manera na e lokalidat. Manera ta konosí no por para na e sitio. mester hasi pedido i bai sinta den outo warda esaki.
Tambe e tim a duna aviso pa aglomerashon di kliente dilanti di un minimarket na Schottegatweg West, Veeris, Berg Altena i Rooseveltweg.
Na un restorant na Berg Altena i tambe un restorant na Montaña Abou a para e operashon pa motibu di inkumplimentu, pasombra nan tabata funshoná manera snèk.
Na un minimarket den Andres Belloweg, a parti but debí na orario di sera. Finalmente na un restorant riba Gosieweg a plama grupo di persona ku tata na e lokalidat.