WILLEMSTAD.- Ayera den oranan di mainta trempan e tim di mantenshon (‘handhaving’) di ministerio di Tráfiko, Transporte i Planifikashon Urbano (VVRP) i di Salubridat, Medio Ambiente i Naturalesa (GMN) a bai Klein Kòrsou pa hasi inspekshon. Riba barku tambe tin trahadónan di organisashon di medio ambiente Carmabi, Kuerpo Polisial i mas instansia konserní.
Lo atendé entre otro ku preis ku kompanianan mester paga Gobièrnu di Kòrsou pa konstrukshon i demas kosnan ku tin na Klein Kòrsou. Sea Turtle Conservation Curacao tambe ta presente pa investigá unda a traha konstrukshon ilegal, ku ta stroba turtuga pa pone webu.