Knops: mas fondo pa wardakosta sigui kontrolá fronteranan

WILLEMSTAD.-Wardakosta ta risibi fondo pa den próksimo añanan nan por tuma mas personal den servisio di manera ku nan por kumpli ku e tareanan operashonal 24/7. Marina ulandes tambe a haña fondonan pa nan tareanan di kontrol na frontera di e paisnan, ku esaki nan por pèrkurá pa mas kapasidat i konosementu den e trabounan di kontrol di frontera.

Sekretario di estado Raymond Knops den un karta na Tweede Kamer a informa ku tin 2 mion euro struktural pa ministerio di defensa ku ta destiná na milisia di Kòrsou i Aruba pa mas profeshonalismo i pa hasi invershonnan den e trayekto di formashon sosial na Aruba i Kòrsou.

E trayekto aki ta spesialmente destiná pa duna formashon na hóbennan di ménos rekurso ku e meta pa krea perspektiva pa futuro i asina prepará mihó pa subi merkado laboral.