WILLEMSTAD.- Minister Charles Cooper a anunsiá un kantidat di desaroyo hotelero ku ta bai start den sentro di siudat i alrededor.

Sr. Cooper a rekordá ku e aña aki den luna di desèmber nos sentro di siudat, esta Willemstad ta kumpli 25 aña ku nos ta riba e lista di UNESCO.

Proyektonan den sentro di siudat ta entre otro na Juliana Plein kaminda un hotèl “all inclusive” lo bini. Ta un hotèl di 50 kamber den Pietermaai.

Tin APC (Algemeen Pensioenfonds van Curaçao)  ku a kumpra vander Valk Plasa, i ku nan ta bai basha toren abou i ta bai lanta un hotèl.

Ta un kos grandi ta bai pasa den e área di Punda.

Na Rif ainda ta pensa kiko ta bai hasi ku e stadion i henter e área tei vibra, segun e minister a splika.

E proyekto di Randy Neuman na Pietermaai ta wanta, pasobra ProMo a bai apelashon ku gobièrnu riba e proyekto hotelero, i tin e proyekto di CPA, The Wharf na Kleine werf.

El a bisa ku e departamentu ántes ku tabatin na nivel di Eilandgebeid, esta Stadsvernieuwing no ta nesesario pa ta un departamentu riba su mes den e struktura di gobièrnu aktual e ta kai bou di VVRP.

Den aña 2000 bin ariba Stadsvernieuwing a ranka tur proyekto ku tabatin den sentro di siudat. Un dje proyektonan grandi ta Kura Hulanda i Renaissance, i Courtyard Marriott, minister Cooper a splika.