WILLEMSTAD.- Un kaso di tiramentu den Ordenansweg un ratu pasa ku a laga un saldo di dos hende herida di kual un a fayesé. Te kaminda nos a tuma nota i informashonnan ku EXTRA ta dispone di dje, na e kas konserní a kore yega un vehíkulo ku un hòmber, un señora i vários mucha. E hòmber a saka arma i basha bala riba dos otro dama. Un di e damanan a bai resultá na un snek riba Gosieweg kaminda ambulans a transporte pa Poli pa tratamentu médiko. Esun ku a keda na e kas den Ordenansweg no ta duna señal di bida. E sospechoso mes a kore bai ku e outo lagando e señora ku e tabata kuné i e muchanan atras na e kas tambe, Ta un situashon basta tristu, ku muchanan gritando miéntras polis ta buskando e sospechoso.