WILLEMSTAD.- Durante kontrol ku funshonarionan di e tim multidisiplinario a tene wikènt último, a konstatá ku tokamentu di músika duru ta keda un problema. Tambe tin komersiantenan ta pone un “DJ” toka sin ku tin pèrmit pa  esaki.

A kontrolá 22 establesimentu miéntras ku 14 tabata na òrdu i 6 a risibí prosèsverbal pa tokamentu di músika duru i presensia di “DJ” sin ku tin pèrmit pa esaki.

Tambe a kontrolá dos supermarket na Rio Canario i Jan Noorduynweg.

A kontrolá diferente bar i snek den área di Venezuelaweg, Schottegatweg West, Veeris, Jan Noorduynweg, Californiaweg, Rooseveltweg, Cubaweg i Pater Eeuwensweg.