WILLEMSTAD.- Ta bai hala “toque de queda” i hasi esaki mas trempan. Siman pasá djabièrnè e tim di krísis a keda di bolbe reuní riba e aspekto aki despues ku promé minister Gilmar ‘Pik” Pisas siman pasá djárason a anunsiá ku esaki no ta bai tuma lugá apesar di oumento den kasonan di infekshon ku Covid-19. Sinembargo den dianan di fiesta tras di lomba por a tuma nota tòg di diferente aksidente di tráfiko den oranan di mardugá. E aksidentenan aki ta motibu di preokupashon pasobra nan tambe ta kontribuí na yena kamanan disponibel na Curaçao Medical Center. Den edishon di EXTRA mayan lo tin informashon mas amplio riba e tema aki.