WILLEMSTAD – Un biaha mas un negoshi ta bira víktima na mannan di kriminal durante ora nan di mardugá. Sin duda e trabou ku e ladronnan aki a hasi awe alrededor di 3or am na e establesimentu DA den Saliña ta un profeshonal. Na momentu ku polis a yega na DA ya e ladronnan a somentá i únikamente a laga atras pruebanan di e trabou kompliká ku nan a ehekutá pa bai ku inventario di e negoshi. Kiko tur e ladronnan a logra bai kuné ainda no ta konosí. Mainta aki lo hasi un investigashon pa ku esaki. Echo ta ku nan a logra habri e ‘rolluik’ parti patras di DA. Nan a kuminsá pa kibra e muraya pa logra saka e wayanan di kontakto pa krea un korto sirkuito pa habri e porta grandi. Huntu ku esaki a kòrta un kandal pa nan logra drenta e lugá. E kaso aki ta bou di investigashon