WILLEMSTAD.- Minister Charles Cooper huntu ku Servisio pa Obra Públiko (OW) ta informá ku entrante djaluna 9 di òktober trabounan di mantenshon ta bai kuminsá riba Architectenweg.

Debí na mal estado di e kaminda aki, OW) ta bai hasi trabounan di mantenshon kual ta konsistí di raspa i kita asfalt bieu, i pone un kapa di asfalt nobo. Esaki ta forma parti di e proyekto ‘Life Extension’ ku Minister Cooper a anunsiá ku ta bai kontinuá.

Kontratista Curaçaose Wegenbouw Maatschappij (CWM) ta enkargá ku ehekushon di e trabou aki kual tin un durashon di 1 siman.

Durante ehekushon di trabounan, abitantenan i negoshinan ku ta keda riba e kaya aki por por yega nan kas òf establesimentu normalmente. Pa tur otro outomobilistanan, lo tin ruta alternativo ku lo wòrdu guiá pa barínan oraño i bòrchinan.

OW ta hasi un apelashon na tur outomobilista pa kore ku koutela.