WILLEMSTAD.- Minister Charles Cooper huntu ku Servisio pa Obra Públiko (OW) ta informá ku for di ayera djadumingu 10 di mart, trabounan di mantenshon di kaya ta kuminsá riba Caracasbaaiweg.

E trabou ta konsistí di raspa i kita asfalt bieu, i pone un kapa di asfalt nobo. E trabounan lo tuma lugá riba Caracasbaaiweg, entre Dr. Maalweg i Architectenweg kuminsando for di na altura di e lusnan di tráfiko den Saliña.

Kontratista Curaçaose Wegenbouw Maatschappij ta enkargá ku ehekushon di e trabou aki, i nan lo tin un durashon di 4 dia. Orario di trabou lo ta di 8’or di anochi pa 5’or di mainta.

Durante ehekushon, abitantenan i negoshinan ku ta keda riba e kaya aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki pa algun otro motibu, lo tin ruta alternativo ku lo wòrdu guiá pa barí oraño i bòrchinan.

Servisio pa Obra Públiko ta hasi un apelashon na outomobilista pa kore ku koutela.