WILLEMSTAD.- Minister Charles Cooper huntu ku Servisio pa Obra Públiko (OW) ta informá ku entrante awe djárason 13 di mart próksimo, trabounan di mantenshon ta bai tuma lugá riba e krusadanan ku ta konektá ku Gosieweg for Monreposweg te ku Topekaweg.

E trabou aki ta konsistí di raspa i kita asfalt bieu, i pone un kapa di asfalt nobo. Kontratista Curaçaose Wegenbouw Maatschappij ta enkargá ku ehekushon, i e trabounan lo tin un durashon di 3 dia. Orario di trabou lo ta di 8’or di anochi pa 5’or di mainta.

Durante ehekushon di e trabounan aki, abitantenan i negoshinan ku ta keda den e kaya aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki pa algun otro motibu, lo tin ruta alternativo ku lo wòrdu guiá pa barí oraño i bòrchinan.

OW ta hasi un apelashon na tur outomobilista pa kore ku koutela.