WILLEMSTAD.- Awe djaluna 11 di mart ta kuminsá ku trabounan na e lusnan di tráfiko Sta. Maria.

Servisio pa Obra Públiko (OW) ta anunsiá ku for di awe djaluna 11 di mart, e kontratista DCG Services ta trahando na e lusnan di tráfiko na altura di krusada den Sta. Maria.

Lo kambia e lusnan di tráfiko pa hasi nan lusnan LED. E trabounan a kuminsá riba 11 di mart te ku 15 di mart. Lo traha entre 8.30am pa 11.30am di mainta, i di 1.30pm pa 4.30pm di mèrdia. Di e forma aki, ta trata na minimalisá e molèster pa tráfiko.

Esaki ta enserá ku e lusnan di tráfiko aktual lo ta for di servisio. Na momentu ku esaki ta e kaso, reglanan di tráfiko di un krusada ta vigente, i mester respetá bòrchinan di tráfiko.

OW ta pidi un i tur pa kore ku koutela durante e dianan aki i asina evitá aksidente.