WILLEMSTAD – Awe a hasi apertura ofisial di e trabounan di infrastruktura na 80 skol rònt Kòrsou pa alsa seguridat di tráfiko. Seguridat di nos muchanan ta hopi importante. Nan mester por drenta i sali skol na un manera sigur. E apertura tabata na enkargo di Minister Zita Jesus-Leito huntu ku Servisio pa Obra Públiko (OW).

E trabounan mes ta kuminsá dia 9 di òktober i lo tin un durashon di un siman . Durante e periodo aki lo mantené i/òf buta vários método pa alsa seguridat di tráfiko rondó di e skolnan. OW a hasi un investigashon i a selekshoná 80 skol kaminda nan situashon di seguridat ta mas agudo.

Mantenshon di skolnan tin komo propósito pa alsa e seguridat di tráfiko rondó di e skol. OW ta informá ku lo bai hasi e siguiente trabounan di infrastruktura na e diferente skolnan;

1. 
   

2. Limpia asera i/òf drecha asera,

3. 
   

1. 
   

2. Mantené i/òf buta ‘bermpaaltjes’,

3. 
   

4. Marka ‘zebrapad’,

5. 
   

6. Bòrchinan di tráfiko lo wòrdu ahustá i/òf lo buta bòrchi tráfiko,

7. 
   

8. Buta i/òf drecha drèmpel.

9. 
   

Kada área di skol ta diferente i lo mantené tur òf algun di e puntonan ariba menshoná. Si tur kos kana segun plan e trabounan di mantenshon ta finalisá den e di tres siman di e luna di òktober. Den e edishon di EXTRA mayan lo tin e lista publiká di tur e 80 skolnan ku ta kai bou di e proyekto aki.