WILLEMSTAD – Manera a keda informá kaba ayera a inisiá ku e trabounan pa drecha kayanan ku buraku. Na e sitionan aki ta kitando e asfalt bieu, stabilisá e sitio i pone un kapa nobo di asfalt. Pa e trabounan aki por tuma lugá, tráfiko por keda opstakulisá i ta pidi tur outomobilista pa tene kuenta ku esaki. Si no respetá e bòrchinan di indikashon i pasa riba trabounan ku a kaba di keda hasi esaki por daña e trabou. Komo konsekuensia un bes e kaya en kestion ta daña atrobe. Pues un apelashon na tur outomobilista pa kore ku koutela i sigui bòrchinan di indikashon.