WILLEMSTAD. – Despues di e aksidente ku skuter den Marchena ku a dal den dranghek, Extra a haña vários yamada ku dranghek nan ta hopi den kaminda. Bosero Polisial Sr. Saures a duna di konosé ku tur aña e “dranghek nan tei i ku tur hende sa ku outo no por kore dos, dos riba e ruta di Karnaval ora ku tin dranghek.
P’esei bosero di Kuerpo Polisial Sr. Suares ta pidi pa tur outomobilista pa nan indulgensia pa e dos simannan aki, pa motibu ku no ta trata di un situashon permanente.
Sr. Suares ta konsiente ku tur hende lo ke pasa riba e ruta di Karnaval pa wak e ambiente ku tin di e preparashon, pero na mes momentu, outomobilistanan mester sa ku e tráfiko ta move mas poko poko, pa motibu ku no por tin dos fila, ku e situashon di dranghek nan.
Si un outomobilista tin purá, e kore via di Nijlweg.
Pa esnan ku ke pasa tòg den Marchena etcetera, mester tin pasenshi i komprenshon pa e tráfiko i ambiente ku ta reina riba e ruta aki den e dianan ku ta bin.
No por kore duru i esei ta konta pa outo, motersaikel i skuter.
Finalmente Suares ta pidi pa tur hende koperá pa un periodo di preparashon pa yega na Karnaval plasentero i sin insidente lamentabel.