WILLEMSTAD.- Ayera mainta koleganan di un hòmber, ku ta laborá pa un kompania di konstrukshon, a yega trabou i haña nan kolega morto den edifisio di un hotèl ku aktualmente ta ser renobá.

Ta trata aki di Hotèl Otrobanda na Otrobanda. E koleganan a yega trabou i haña e hòmber di orígen hamaikino bentá den e edifisio. Mirando ku e hòmber no tabata reakshoná a pone outoridatnan na altura.

Polis, TOD, patólogo i tambe dòkter di polis a presentá na e sitio pa por realisá e investigashonnan nesesario.

Despues a sali na kla ku ta trata aki di un morto natural pues no tin nada di aber ku un krímen.