WILLEMSTAD.- Den oranan di atardi polis di Barber a bai ku urgensia na un hotel den konstrukshon den area di Santa Martha despues di a risibí notifikashon ku un persona a kai for di altura.

Na yega di polis nan a bin topa ku un hòmber drumí abou i no tabata reakshonando. Mesora a pidi presensia di ambulans pa duna asistensia na e víktima, na nan yegada mesora a kuminsá ku reanimashon pero sin e resultado deseá.

Sigun informashon ku nos a risibí, e hòmber aki tabata trahando riba stèngel i dado momentu a kai for di esaki I durante di su kaida el a dal su kabes. Ta trata aki di un hòmber yu di Kòrsou ku lamentablemente a pèrdè su bida laborando. Dòkter di polis a presentá na e sitio I a konstatá morto di e hòmber víktima.