WILLEMSTAD.-Trahadónan di Fundashon Ambulans tabata den Otrobanda na loke ántes tabata Colon. Einan un grupo a bai den orashon pa hinka tur kos den man di Todopoderoso. Den nan orashon e trahadónan a pidi Dios pa duna e minister di Salubridat Dorothy Pietersz-Janga hopi sabiduria pa asina e por atendé ku e situashon fèrfelu i difísil ku e trahadónan aki ta konfrontando pa basta aña kaba.

Nan a pidi Dios pa tene nan uni komo kolega pa nan logra nan meta despues di 11 aña. Nunka nan no a pèrdè speransa, ministernan a bini i bai i nan ta spera ku awor si kambio lo bini pa Fundashon Ambulans.