WILLEMSTAD.- Manera nos por a tuma nota, e team di Selikor a kuminsá ku un proyekto di limpiesa riba nos isla na luna di yüni último riba e kamindanan prinsipal, entre nan e karetera di Weg naar Welgelegen.

E team a kuminsá na rotònde Palu Blanku na Plasa Hariri. Esaki ta un proyekto ku Selikor tin tur aña i e aña aki a skohe pa e trahadónan mes hasié.

Awor ku e team di selikor a kaba ku e limpiesa riba Weg naar Welgelegen, a kuminsá mesora ku e trabounan di limpiesa riba Arubastraat.

E team ta hasi un súplika na tur persona ku ta hasi uso di e kaminda aki pa bai ku koutela, teniendo kuenta ku tin trahadónan kantu di kaminda i tambe tin sierto área ku ta será.